O‘zbekiston elchisi Gretsiya prezidentiga ishonch yorlig‘ini topshirdi

O‘zbekistonning Gretsiyadagi elchisi Abat Fayzullayev rasmiy faoliyatini boshladi. Afina shahrida u Gretsiya prezidenti Konstantinos Tasulasga ishonch yorlig‘ini topshirdi.

Bu haqda "Dunyo" axborot agentligi xabar berdi. Qisqa suhbat davomida Gretsiya prezidenti O‘zbekiston rahbariyatining muvozanatli diplomatiyasini yuqori baholadi.

U bunday siyosat mintaqaviy barqarorlikni mustahkamlash va xalqaro ishonchni oshirishga muhim hissa qo‘shayotganini ta’kidladi. Tasulasning so‘zlariga ko‘ra, ikki davlat o‘rtasidagi munosabatlar yangi bosqichga ko‘tarilgan.

Siyosiy, iqtisodiy va madaniy aloqalarni yanada kengaytirish uchun ajoyib imkoniyatlar yaratilmoqda.