Toshkentda mast holda bezorilik qilgan shaxs qo‘lga olindi

25 noyabr, seshanba kuni Toshkent shahrining Mirzo Ulug'bek tumanida mast holda bezorilik qilgan shaxs qo'lga olindi, deb xabar berdi Toshkent shahar IIBB. Huquqni muhofaza qilish organlariga voqea joyidagi restoran xodimlari murojaat qilishgan.

Hodisa joyiga yetib kelgan qo'riqlash xizmati xodimlari ularning qonuniy talablariga bo'ysunmagan fuqaro bilan duch kelishdi. Natijada, ushbu shaxs faol qarshilik ko'rsatgan.

Bezorilikda gumon qilingan shaxs tumandagi ichki ishlar bo'limiga topshirildi. U mayda bezorilik va huquqni muhofaza qilish organlari xodimlariga bo'ysunmaslikda gumon qilinmoqda.