Qozog'iston prezidenti Qasim-Jomart Toqayev O'zbekistonga tashrifi davomida Ostona Rossiya gazining O'zbekiston hududi orqali tranzitini oshirishni rejalashtirayotganini ma'lum qildi. Bu haqda "Akorda" axborot manbasi xabar berdi.
"Bundan tashqari, neft sohasi va atom sanoatida hamkorlikni kengaytirish uchun yaxshi imkoniyatlar mavjud", — dedi Qozog'iston rahbari. QazaqGaz kompaniyasining prognozlariga ko'ra, joriy yilda Rossiya gazining O'zbekistonga tranziti 6 milliard kub metrga yetadi.
2024 yilda esa bu ko'rsatkich 5,6 milliard kub metrni tashkil qilishi kutilmoqda. Rossiya gazining O'zbekistonga tranziti 2023 yilda boshlangan bo'lib, gaz "O'rta Osiyo — Markaz" quvuri orqali yetkazib berilmoqda.
Quvurni ta'mirlash davomida 10 mingta nuqson aniqlangan bo'lib, hozirgacha 6 mingga yaqin nuqson bartaraf etilgan. Joriy yilning yanvar-sentabr oylarida O'zbekiston import gaziga 932,3 million dollar sarflagan.
Bu o'tgan yilga nisbatan qariyb 30 foizga kamayishni bildiradi. Shu bilan birga, yil davomida O'zbekistonning gaz eksporti 15,4 foizga oshib, 546,2 million dollarga yetgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
