Bondi sohilida otishma: uy sharoitida portlovchi qurilmalar ishlatilgan

14-dekabr kuni Bondi sohilida Xunukka bayramida otishma sodir bo‘ldi. Politsiya ma’lumotlariga ko‘ra, bu voqeadan oldin uy sharoitida tayyorlangan quvur va tennis to‘pi portlovchilari odamlar orasiga uloqtirilgan, ammo portlamagan. Hodisa 15 kishining halok bo‘lishi va bir necha o‘nlab odam jarohatlanishi bilan yakunlandi.

Hujumni rejalashtirgan gumonlanuvchilardan biri Sajid Akram politsiya tomonidan o‘ldirilgan, uning o‘g‘li Naveed Akram esa 59 jinoyat bo‘yicha ayblanmoqda. Politsiya xabariga ko‘ra, ular hujumni bir necha oy oldin rejalashtirib, hududni kuzatgan va qurollar bilan mashq qilgan.

Yangi Janubiy Uels parlamenti voqeadan so‘ng fuqarolarning qurol egallashini cheklash, terror belgilarini taqiqlash va namoyishlarni nazorat qilishga qaratilgan yangi qonunlarni muhokama qilmoqda. Qonunga ko‘ra, bir kishi egallashi mumkin bo‘lgan qurol soni to‘rtga cheklanadi, ayrim guruhlar uchun bu raqam 10 taga yetadi.

Hozirda 13 kishi kasalxonada davolanmoqda, shulardan to‘rttasi og‘ir, lekin barqaror holatda.