Zamonaviy go‘zallik standartlari tobora ajablantirib, yangi qoidalarni belgilashda davom etmoqda. Endilikda go‘zallik industriyasida mimikasiz, hissiz yuz trendga aylandi. Internetda mushaklarni harakatlantirish o‘rniga, ularni “muzlatib qo‘yish” taklif qilinmoqda, deb yozadi Peopletalk.
Statik holat asta-sekin yuzni yoshartirish uchun mashhur bo‘lgan feysfitnes va gua-sha massaji kabi usullarni siqib chiqarmoqda. Ijtimoiy tarmoqlarda odamlar tobora ko‘proq “toshdek yuzni qanday mashq qilish” mumkinligi bilan qiziqmoqda, marketpleyslarda esa ajinlarning paydo bo‘lishini oldini oluvchi noodatiy moslamalar sotila boshlagan.
Shu bilan birga, tibbiyot mutaxassislari bu yangi trendga shubha bilan qaramoqda va uni haddan oshgan, hatto kulgili holat deb baholamoqda. Dermatolog Andjali Maxto zamonaviy davrda “botoksomaniya” eng yuqori cho‘qqiga chiqqanini ta’kidladi. Har xil yoshdagi bemorlar istalgan mimikadan qo‘rqib qolmoqda. Hatto tabassum vaqtida paydo bo‘ladigan mayda chiziqlardan xavotirlangan o‘smirlar ham shifokorga navbat yozdirmoqda.
Ma’lumki, “Transformers” yulduzi Megan Foks ham botulotoksin in’ektsiyalaridan foydalangan. Avvalroq maqolamizda aytilganidek, aktrisaning yuzidagi “qotib qolgan” ko‘rinish ehtimol yuqori labga qilingan botoks sabab yuzaga kelgan.
Go'zallik Standartlari, Botoks Trend, Yuz Mashqlari, Tibbiy Shubha, Zamonaviy Davr
