Statistik portlash: Mbappe va Haaland raqobati avjiga chiqdi

Yevropa futbolining ikki yorqin yulduzi — Fransiya terma jamoasi hujumchisi Killian Mbappe va Norvegiya safida to‘p surayotgan Erling Haalandning milliy jamoalardagi faoliyati statistik jihatdan solishtirildi. Har ikki futbolchi yosh bo‘lishiga qaramay, o‘z terma jamoalari tarixida sezilarli iz qoldirmoqda.

Mbappe hozirgacha Fransiya terma jamoasi safida 94 ta o‘yinda maydonga tushib, 55 ta gol urgan va 40 ta golli uzatma amalga oshirgan. Uning samaradorligi nafaqat jamoaning asosiy hujum kuchi ekanini, balki xalqaro maydondagi yuksak darajada o‘yin namoyish etayotganini ko‘rsatadi.

Haaland esa Norvegiya terma jamoasi safida 47 ta uchrashuv o‘tkazib, 53 ta golga muallif bo‘lgan va 6 ta assist qayd etgan. Hujumchining o‘yiniga xos bo‘lgan kuchli pressing, aniqlik va gollarga chanqoqlik uni Yevropaning eng xavfli forvardlaridan biriga aylantirgan.

Har ikki futbolchining ko‘rsatkichlari ularga bo‘lgan e’tiborning bejiz emasligini tasdiqlaydi. Statistika shuni ko‘rsatadiki, Mbappe universalligi va uzatmalar soni bilan ajralib tursa, Haaland gollari bo‘yicha yuqori samaradorlik namoyish etmoqda. Mutaxassislar bu ikki futbolchining yillab Yevropa futboli markazida bo‘lishini taxmin qilmoqda.