WhatsApp 6,8 million firibgar akkauntni o‘chirdi

WhatsApp 2025 yilning birinchi yarmida firibgarlik bilan bog‘liq 6,8 million akkauntni bloklaganini e’lon qildi. Ko‘plab akkauntlar Janubi-Sharqiy Osiyodagi jinoiy guruhlar bilan bog‘liq bo‘lib, ular majburiy mehnat orqali odamlarni soxta investitsiya sxemalariga jalb etgan. Firibgarlar odatda foydalanuvchilarga SMS yuborib, ularni xabarlashuv ilovalari orqali aldagan va to‘lov platformalari orqali pul undirishgan.

Platforma yangi xavfsizlik choralarini joriy etdi — masalan, foydalanuvchi kontaktlar ro‘yxatida yo‘q bo‘lgan odam uni guruhga qo‘shsa, maxsus ogohlantirish paydo bo‘ladi.

WhatsApp egasi Meta bilan firibgarlikka qarshi kurashda faol hamkorlik qilayotganini, shuningdek, shu yo‘nalishda ChatGPT ishlab chiquvchisi bilan ham ishlaganini bildirdi. Ularga ko‘ra, akkauntlar faoliyat boshlashidan oldin aniqlanib, o‘chirib tashlangan.

Firibgarlik markazlari odatda Myanmar, Kambodja va Tailand kabi mamlakatlarda joylashgan bo‘lib, bu yerda odamlarga aldovlar orqali ish va’da qilinadi, so‘ng ular majburan firibgarlik faoliyatiga jalb etiladi. Mahalliy rasmiylar aholini hushyorlikka chaqirmoqda.

Mutasaddilar foydalanuvchilarga noma’lum manbalardan kelgan guruh takliflarini ehtiyotkorlik bilan ko‘rib chiqishni va oldindan to‘lov talab qiluvchi takliflarga ishonmaslikni tavsiya qilmoqda.