Roberto Firmino ikki bor Real Madrid taklifini rad etgan

Braziliyalik hujumchi Roberto Firmino «Liverpul»dagi faoliyati bilan tanilgan bo'lib, u madridlik «Real Madrid» safiga o'tish bo'yicha kelishuv amalga oshmay qolganini ma'lum qildi. Futbolchining so'zlariga ko'ra, u «qaymoqranglilar»dan kelgan taklifni ikki marta rad etgan: birinchi bor «Liverpul»ga ko'chib o'tishidan oldin, ikkinchi bor esa Saudiya Arabistoniga yo'l olishidan sal avval.

Eslatib o'tamiz, Firmino «Liverpul» sharafini sakkiz yil davomida himoya qilgan. U klub bilan Angliya Premyer-ligasi chempionligini qo'lga kiritgan va UEFA Chempionlar ligasida g'olib chiqqan.

2025 yil yozidan beri 34 yoshli braziliyalik Qatarning «Al Sadd» klubida to'p surmoqda.
Roberto Firmino, Liverpul klubi, Real Madrid, Saudiya Arabistoni, Angliya Premyer-ligasi