Vinisius Realdan noroziligini ijtimoiy tarmoqlarda ko'rsatdi

Vinisius Junior va Madridning "Real" klubi o'rtasida hammasi joyida emasga o'xshaydi. Reddit portalida e'lon qilingan kuzatuvlarga ko'ra, braziliyalik hujumchi o'zining ijtimoiy tarmoqlardagi sahifalaridan "Real" futbolchisi ekanini bildiruvchi ma'lumotlarni olib tashlagan.

Bu holatga muxlislar turlicha munosabat bildirmoqda. Ba'zilar Vinisiusning bunday harakatini "bolalarcha" deb atab, Madrid klubini uni sotishga chaqirmoqda.

Eslatib o'tamiz, oktabr oyida Vinisius "Barselona"ga qarshi o'yinda murabbiy Xabi Alonso uni almashtirgach, maydonda janjal ko'targandi. Vinisiusning "Real" bilan amaldagi shartnomasi 2027-yilning o'rtalariga qadar davom etadi.

Shu bilan birga, futbolchining boshqa klublarga o'tishi haqidagi mish-mishlar muntazam tarqalmoqda.
Vinisius Junior, Real Klubi, Madrid Jamoasi, Braziliyalik Hujumchi, Futbol Shartnomasi