Italiya chempionatining navbatdagi turida "Milan" va "Inter" oʻrtasidagi bahs asosiy oʻyin boʻlishi kutilmoqda. "Milan"ning sobiq bosh murabbiyi Fabio Kapello ushbu oʻyinda "Milan"ning eng xavfli futbolchilaridan biri boʻlgan Rafael Leau hal qiluvchi rol oʻynashiga umid qilmoqda.
Shuningdek, u Kristian Pulishichning maydonga qaytishini ham muhim omil sifatida koʻrmoqda. "Koʻp narsa Leau oʻsha kuni qanday kayfiyatda boʻlishiga bogʻliq.
U noyob futbolchi, gʻalabani taʼminlashi mumkin, lekin xatolar ham qilishi ehtimoli bor. Uni qanday boʻlsa, shunday qabul qilish kerak.
U ikki tomonlama tanga kabi. Shuningdek, Pulishichning qaytishi ham muhim ahamiyatga ega, chunki u qarshi hujumlarda juda xavfli", - dedi Kapello "pianetamilan.it" nashriga bergan intervyusida.
Hozirda "Milan" A Seriya turnir jadvalida uchinchi oʻrinni egallab turibdi, "Inter" esa musobaqa yetakchisi hisoblanadi.
Italiya Chempionati, Milan Inter, Fabio Kapello, Rafael Leau, Kristian Pulishich
