Italiya terma jamoasi bosh murabbiyi Jennaro Gattuzo Norvegiya bilan oʻyinda (1:4) ikkinchi boʻlimdagi muvaffaqiyatsizlikka izoh berdi. "Skuadra Adzurra" 11-daqiqada Franchesko Pio Esposito tomonidan urilgan gol tufayli hisobni ochdi.
Mehmonlar 63-daqiqada Antonio Nusa orqali hisobni tenglashtirdi, soʻngra Erling Holand 78 va 80-daqiqalarda dubl qayd etdi. Qoʻshib berilgan vaqtda norvegiyalik futbolchi Yorgen Larsen Italiya jamoasini tamomila ruhiy tushkunlikka tushirdi.
"Birinchi boʻlimda biz toʻgʻri pressing qildik, pozitsiyalarni toʻgʻri tanladik. Ammo tanaffusdan keyin koʻp marta toʻpni yoʻqotdik va Norvegiyaga boʻsh zonalar qoldirdik.
Birinchi boʻlimda muvaffaqiyatli bajargan ishlarimizni davom ettirishimiz kerak edi, lekin Norvegiya gol imkoniyatlarini koʻpaytirishi bilan qoʻrqib qoldik. Biz qoʻrqib ketdik.
Bu borada oʻzimizni yaxshilashimiz kerak", – dedi Gattuzo RAI Sportga bergan intervyusida. Norvegiya terma jamoasi 2026-yilgi Jahon chempionatiga yoʻllanmani qoʻlga kiritdi va guruhda birinchi oʻrinni egalladi.
Italiya ikkinchi oʻrinni egallab, turnirga chiqish uchun pley-off oʻyinlarida ishtirok etadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
