Kostich: Stoykovichni erta ketkazish kerak edi

Serbiya terma jamoasi 2026-yilgi Jahon chempionatiga yoʻl ololmadi. U oʻz guruhida uchinchi oʻrinni egallab, nafaqat Angliyani (bu kutilgan edi), balki Albaniyani ham oʻtkazib yubordi, bu esa ikki barobar ko‘proq alamli boʻldi.

Filip Kostich bu muvaffaqiyatsizlikda milliy jamoaning sobiq bosh murabbiyi Dragan Stoykovichni aybladi. Uning soʻzlariga koʻra, Stoykovichni avvalroq lavozimdan chetlatish lozim edi.

"Hozirgi murabbiy bilan agar biz erta boshlaganimizda, natijalar ancha yaxshi boʻlardi. Biz, albatta, Albaniyaga yutqazmas edik.

Bu men uchun ulkan umidsizlik boʻldi, hayotimdagi eng kattalaridan biri", – dedi Kostich DerbyDerbyDerby.it nashriga bergan intervyusida. Hozirda Serbiya terma jamoasini Velko Paunovich boshqarmoqda.

Serbiya Jamoasi, Jahon Chempionati, Filip Kostich, Dragan Stoykovich, Velko Paunovich