Sevinch Mo‘minova Moskva sahnasida ikki kunlik konsert beradi

Xonanda Sevinch Mo‘minova o‘z muxlislariga quvonchli xabar bilan murojaat qildi. U Moskvadagi mashhur Zvezdopad restoranida 11 va 12 dekabr kunlari ikki kunlik konsert dasturi taqdim etishini ma’lum qildi.

San’atkor so‘nggi paytlarda yangi ijodiy ishlari, jonli chiqishlari va turli loyihalari bilan faol tarzda ko‘rinish bermoqda. Moskva tomoshabinlari uchun tayyorlayotgan bu ikki kunlik shou esa, uning ijodiy faoliyatida yana bir yorqin sahifa bo‘lishi kutilmoqda.

Sevinch Mo‘minova tashrif buyuradigan muxlislarga unutilmas kecha, jonli ijro va iliq muhit va’da qildi.