Dohadagi kino festivali ijod va jasorat maydoniga aylandi

Doxada o‘tayotgan nufuzli kino festivali bugungi kunda mustaqil rejissyorlar, yangi avlod kinoijodkorlari va mualliflik yo‘nalishida ishlayotgan san’atkorlar uchun eng muhim sahna sifatida qadrlanmoqda. Bu maydonda har bir ijodkor o‘z badiiy qarashini, falsafiy pozitsiyasini va jamiyatga aytadigan fikrini ochiq ifoda qilish imkoniga ega bo‘ladi. Festival nafaqat tayyor asarlarni namoyish qilish, balki yangi iste’dodlar kashf etish, g‘oyalar ustida muloqot qilish va kinematografiyaning global trendlarini muhokama etish uchun ham muhim muhit yaratadi.

Bu yilgi dasturda o‘nlab mamlakatlardan filmlar jamlangan. Turli madaniyat va mintaqa vakillari tomonidan yaratilgan asarlar festivalni yanada rang-barang qildi. Ayniqsa, yosh mualliflar va mahalliy kinoijodkorlar uchun ajratilgan maxsus tanlovlar katta qiziqish uyg‘otmoqda. Ushbu bo‘limlar orqali qatarlik va mintaqaviy iste’dodlar o‘zini ko‘rsatish, xalqaro ekspertlar bilan muloqot qilish va kelgusidagi loyihalar uchun katta imkoniyat topmoqda.

Saida Mirziyoyeva ham mazkur tadbir mehmonlari qatorida bo‘lib, o‘z taassurotlari bilan o‘rtoqlashdi. Uning ta’kidlashicha, zamonaviy kino — shunchaki san’at emas, balki jamiyatdagi kayfiyat, ijtimoiy muammolar, qarama-qarshiliklar va istiqboldagi o‘zgarishlarni ko‘rsatib beradigan kuchli vositadir.

«Qatar poytaxtidagi madaniy markazlarda o‘tayotgan festivalga tashrif buyurish men uchun juda qiziqarli tajriba bo‘ldi. Zamonaviy kino bu — bugungi kunning hissi, izlanishi va jamiyatni o‘ylantirayotgan mavzularni anglashning eng kuchli usuli», — deya yozdi Saida Mirziyoyeva.

Festival jamiyatni o‘ylantirgan mavzularni kinoroliklar orqali muhokama qilish, yangi ijodkorlarni rag‘batlantirish va mualliflik kinosi nufuzini yanada oshirishda muhim voqea sifatida qayd etilmoqda.

Tadbir yana bir bor kino — fikr, his va ijtimoiy muloqot xizmatida turgan katta maydon ekanini namoyon etdi.