Ko‘p qavatli uy qurilishida 3,5 mlrdlik “svet o‘margan” MChJ ushlandi

Qashqadaryo viloyatida noqonuniy elektr iste’moli bilan bog‘liq yirik qoidabuzarlik aniqlandi. “O‘zenergoinspeksiya”ning ma’lum qilishicha, Qarshi tumanida “N.A.” MChJ tomonidan qurilayotgan ko‘p qavatli turar-joy majmuasi elektr tarmog‘iga ruxsatsiz ulanib olgan.

Tekshiruvda korxona uzoq vaqt davomida elektr energiyasidan noqonuniy foydalanib kelgani ma’lum bo‘ldi. Dastlabki hisob-kitoblarga ko‘ra, davlatga yetkazilgan zarar 3 milliard 517 million so‘mni tashkil etgan.

Hozirda mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda. MChJning noqonuniy harakatlari bo‘yicha qonuniy chora ko‘rilishi kutilmoqda.