Sun’iy intellekt Google asoschilarini dunyoning eng boy uchligiga olib chiqdi

Texnologiya gigantlari Google asoschilari — Larri Peyj va Sergey Brin Forbes milliarderlar reytingida dunyoning eng boy uch shaxsidan joy oldi.

Larri Peyj hozirda 275 milliard dollarlik boylik bilan ikkinchi o‘rinni, Sergey Brin esa 258 milliard dollar bilan uchinchi o‘rinni egallab turibdi.

Ularning boyligidagi keskin o‘sish Google’ning sun’iy intellekt (AI) sohasidagi katta muvaffaqiyatlari, xususan Nano Banana neyrotarmog‘ining ommaviylashuvi bilan bog‘liq. So‘nggi bir yil ichida ularning har biri boyligiga 100 milliard dollardan ortiq qo‘shgan.

Boylar ro‘yxatida Ilon Mask 442 milliard dollar bilan hanuz yetakchilikni saqlab turibdi.