Air Samarkand aviakompaniyasining 9S-3306 reysi Saudiya Arabistonining Jidda shahridan Toshkentga uchayotgan bo'lib, yo'lovchilardan birining yuragi to'xtagani sababli Bahrayn aeroportiga favqulodda qo'nishga majbur bo'ldi. Havo kemasi komandiri Roman Degtev va ikkinchi uchuvchi Yegor Smirnov yaqin atrofdagi aeroportga yo'nalishni o'zgartirish haqida qaror qabul qilishdi.
Qo'nishdan oldin bort kuzatuvchilar Svetlana Bolkonskaya boshchiligida yo'lovchiga birinchi tibbiy yordam ko'rsatdi. Bahraynga qo'ngach, tibbiy xodimlar darhol samolyotga chiqib, ayolning holatini barqarorlashtirishga muvaffaq bo'lishdi va uni mahalliy shifoxonaga olib ketishdi.
Yo'lovchilarni xavfsiz yetkazib qo'yish uchun samolyot yonilg'i quyib, Toshkentga yo'l oldi va belgilangan manzilga mahalliy vaqt bilan soat 9:49 da yetib keldi.
Air Samarkand, Saudiya Arabistoni, Bahrayn aeroporti, Tibbiy yordam, Roman Degtev
