Chinkvini: Safonov «Flamengo»ni yakka o'zi mag'lub etdi

«Zenit» va Rossiya terma jamoasining sobiq menejeri Oreste Chinkvini «PSJ» darvozaboni Matvey Safonovning «Flamengo»ga qarshi uchrashuvdagi o'yinini yuqori baholadi. Interkontinental kubok finalida parijliklar braziliyalik raqibni penaltilar seriyasida yengdi.

Unda Safonov to'rtta zarbani qaytardi va jamoasiga g'alabani taqdim etdi. Mutaxassis Safonovni yuqori saviyali posbon deb atadi hamda uning «Flamengo»ga qarshi o'yinini fantastik deya ta'rifladi.

«Ha, u yaxshi darvozabon, ammo penaltilar seriyasi shunday narsa: ba'zan hammasi a'lo darajada chiqadi, ba'zan esa unchalik emas. Shunga qaramay, «Flamengo»ni Matvey yakka o'zi yengdi, desa bo'ladi», — deya Chinkvinining so'zlarini keltiradi «RB Sport».

Interkontinental kubok Safonov uchun «PSJ» safida qo'lga kiritilgan oltinchi sovrin bo'ldi. Rossiyalik futbolchi Fransiya grandi tarkibiga o'tgan yozdan beri to'p surmoqda.

Oreste Chinkvini, Matvey Safonov, Interkontinental kubok, Flamengo jamoasi, PSJ klubi