FIFAning 2026 yilgi chiptalari narxi tanqid qilindi

Muxlislar FIFAning 2026 yilgi Jahon chempionati uchun chipta narxlari siyosatini qattiq tanqid qilishdi. Ma'lum bo‘lishicha, chipta narxlari dastlabki e'lon qilingan summadan ancha yuqori bo‘lgan.

Avvalroq tashkilotchilar chiptalar narxi 21 AQSh dollaridan boshlanib, maksimum 2242 dollarga yetishini e'lon qilishgan edi. Biroq, sodiqlik dasturi doirasida taklif etilayotgan chiptalar narxi 7000 AQSh dollarini tashkil qilayotgani xabar qilindi.

Futbol muxlislari Yevropa Assotsiatsiyasi (FSE) bu vaziyatni "Jahon chempionati an'analariga nisbatan ulkan xiyonat" deya baholadi va muxlislarning bu musobaqaga qo‘shayotgan hissasini e'tiborsiz qoldirish deb tanqid qildi. Ushbu tashkilot FIFAni chiptalarni belgilangan narxlarda sotishni to‘xtatishga va barcha manfaatdor tomonlar bilan muzokaralar o‘tkazgandan so‘ng narxlarni qayta ko‘rib chiqishga chaqirdi.

FIFA chempionati, Jahon chempionati, Chipta narxlari, Futbol muxlislari, Yevropa Assotsiatsiyasi