Zirkzee "Roma"ga o'tishi mumkin

"Manchester Yunayted" hujumchisi Joshua Zirkzee yanvar oyida Italiyaga qaytishi mumkin. Gollandiyalik futbolchini o'z safiga qo'shib olishga qiziqish bildirgan "Roma" klubi "qizil iblislar" bilan muzokaralarni boshladi.

Tomonlar ijara shartlarini muhokama qilmoqda. Tuttomercatoweb xabariga ko'ra, kelishuvga sotib olish majburiyati qo'shilishi mumkin, bu esa Rim klubi joriy mavsum yakunida Chempionlar ligasiga yo'llanma olgan taqdirda kuchga kiradi.

"Manchester Yunayted" bosh murabbiyi Ruben Amorim joriy mavsumda 24 yoshli hujumchini atigi to'rt marta maydonga tushirdi, ularning barchasida Zirkzee zaxiradan o'yinga qo'shildi. Transfermarkt ma'lumotlariga ko'ra, futbolchining qiymati 28 million yevroni tashkil etadi.

Manchester Yunayted, Joshua Zirkzee, Roma Klubi, Chempionlar Ligasi, Transfermarkt Ma'lumotlari