Betis 2025 yilda klub rekordini takrorladi

Betis 2025 yilning so‘nggi o‘yinida muxlislarini xursand qildi. Manuel Pellegrini boshqaruvidagi jamoa o‘z maydonida Xetafeni 4:0 hisobida yirik mag‘lub etdi.

Opta statistika mutaxassislari qiziqarli faktni qayd etdi: Betis 2025 yilda bir kalendar yil ichidagi g‘alabalar soni bo‘yicha klub rekordini takrorladi. Yakunlanayotgan yilda "oq-yashillar" barcha musobaqalarda 29 ta g‘alabani nishonladi.

Bu rekord 2021 yilda o‘rnatilgan bo‘lib, o‘shanda ham Betisning 29 ta g‘alabasi bor edi. O‘sha paytda ham "oq-yashillar"ga Manuel Pellegrini murabbiylik qilgan — u jamoa bilan 2020 yil avgustidan beri ishlamoqda.

Hozir Betis Ispaniya chempionati turnir jadvalida oltinchi o‘rinda bormoqda.
Betis klubi, Manuel Pellegrini, Ispaniya chempionati, Klub rekordi, Opta statistika