Dortmund "Borussiya"si "Borussiya Menxengladbax"ni mag‘lub etdi

'Borussiya Dortmund' Bundesliganing 15-turida 'Borussiya Menxengladbax' ustidan 2:0 hisobida g‘alaba qozondi. Mezbonlar har bir taymda bittadan gol urib, o‘yinni pragmatik tarzda o‘z foydasiga yakunlashdi.

Dortmund jamoasi o‘yinni faol boshladi va to‘pni nazorat qilishni qo‘lga oldi. 10-daqiqada Yulian Brandt qanotdan uzatmani aniq yakunlab, hisobni ochdi. Bu gol butun uchrashuvga tezlik berdi. Gol urilgach, Niko Kovach jamoasi ehtiyotkorlik bilan harakat qildi.

Mezbonlar maydonni yaxshi yopib, raqibga markaz orqali hujum qilish imkonini bermadi. Ikkinchi bo‘limda mehmonlar bosimni oshirishga urinishdi, ammo Kobal darvozaga ishonchli posbonlik qildi.

"Borussiya Dortmund" qarshi hujumlar bilan javob qaytarib, maydonda zichlikni saqladi. Hal qiluvchi lahza qo‘shimcha vaqtda yuz berdi.

90-daqiqada Fabio Silva to‘pni Maksimilian Boyerga uzatdi, u esa chap oyog‘i bilan aniq zarba yo‘llab, g‘alabani mustahkamladi. Yakunda Dortmund jamoasi o‘z uyida ishonchli g‘alabani nishonlab, yilni yuqori kayfiyatda yakunladi.

Borussiya D — Borussiya M 2:0
19 dekabr, «Signal Iduna Park»
Gollar: Brandt (10), Bayer (90+7).
Borussiya D — Kobel, Zyule, Jan, Shlotterbek, Ryuyerson (Koutu, 82), Nmecha, Gross (Zabitser, 71), Brandt (Chukvuemeka, 71), Svensson, Adeyemi (Bayer, 60), Girassi (Silva, 82).
Borussiya M — Nikolas, Sander (Matino, 80), Elvedi, Diks, Skalli, Rays, Engelhart (Mohya, 80), Nets, Reyna (Ranos, 65), Noyhaus (Shtoger, 80), Tabakovich.
Ogohlantirishlar: Jan (53), Shlotterbek (59), Rays (90+5).