Maykl Ouen Muhammad Saloh tanqidiga keskin munosabat bildirdi

«Liverpul»ning taniqli sobiq hujumchisi Maykl Ouen Muhammad Salohning so‘nggi bayonotlari atrofidagi bahslarga o‘z nuqtayi nazarini bildirib o‘tdi. Avvalroq Saloh klub rahbariyati va bosh murabbiy Arne Slot bilan yuzaga kelgan ziddiyat haqida gapirib, ketma-ket uch uchrashuvda zaxiraga qoldirilgani uni qattiq ranjitganini ta’kidlagandi. Unga ko‘ra, jamoaning muvaffaqiyatsiz o‘yinlari uchun aybdor sifatida uni ko‘rsatish tendensiyasi sezilmoqda.

Maykl Ouen esa o‘zining ijtimoiy tarmoqdagi sahifasida Salohga murojaat qilib, bir qator tanqidiy fikrlarini ochiq bayon qildi. Uning ta’kidlashicha, Salohning omma oldida aytgan gaplari jamoaviy iyerarxiya va professional etikaga to‘g‘ri kelmaydi.

«Muhammad, qanday kechinmalarni boshdan kechirayotganingni anglash mumkin. Sen yillar davomida “Liverpul”ning asosiy qiyofasi, yetakchisi va g‘oliblik simvoli bo‘lib kelding. Har qanday mukofot, har qanday katta yozuv — sen bilan bog‘liq. Ammo shunga qaramay, bu jamoa birlashgan holda ishlaydigan mexanizm. Sen omma oldida aytgan o‘sha so‘zlarni aytmasliging kerak edi. Bunday bayonotlar jamoa ichidagi vaziyatni yomonlashtiradi», — dedi Ouen.

Uning so‘zlariga ko‘ra, Saloh yaqin kunlarda Afrika Millatlar Kubogiga jo‘nab ketishi ham muhim omillardan biri:

«Bir haftadan so‘ng Afrika Kubogiga yo‘l olasan. O‘ylaymanki, o‘sha yerda tinchroq bo‘lib, yurgan joyingni himoya qilishdan zavq olasan. Vaqt o‘tib, qayta kelganingda bu yerdagi vaziyat qanday bo‘lishini ko‘ramiz. Lekin hozircha barqarorlik va xotirjamlik jamoa uchun juda zarur».

Ouenning ushbu munosabati muxlislar orasida ham qizg‘in muhokamalarga sabab bo‘ldi. Ayrimlar uning fikriga qo‘shilsa, boshqalar Salohning aldiroq aytilgan gaplarini murabbiy qaroriga nisbatan adolatli e’tiroz deb baholadi.

Bir narsa aniq: so‘nggi voqealar “Liverpul” ichidagi psixologik bosim va raqobat muammolarini yana bir bor ko‘rsatib turibdi. Salohning Afrika Kubogiga jo‘nab ketishi ortidan klubda qanday qarorlar qabul qilinishi esa barcha futbol ishqibozlari uchun katta qiziqish uyg‘otmoqda.