De Rossi «Inter»ga mag'lub bo'lgan o'yinni «Jenoa» uchun ijobiy baholadi

«Jenoa» bosh murabbiyi Daniele De Rossi A Seriyaning 15-turi doirasida «Inter»ga qarshi o'yin natijasiga izoh berdi. Genuyada bo'lib o'tgan uchrashuvda «neradzurrilar» 2:1 hisobida g'alaba qozondi.

Mutaxassis fikricha, «Jenoa» munosib o'yin ko'rsatdi, biroq raqibning klassi balandroq ekani sezildi. «G'alati eshitilishi mumkin, lekin biz yaxshi o'ynadik.

Ruhiy tayyorgarlik borasida jamoa taslim bo'lmadi. Eng muhimi, taslim bo'lmaganimiz va o'yinda qolganimiz juda yaxshi», dedi De Rossi Sky Sport Italia nashriga.

Mazkur g'alabadan so'ng «Inter» 33 ochko jamg'arib, turnir jadvalida peshqadamlikni egalladi. «Jenoa» hisobida 14 ochko bor va jamoa 16-o'rinda bormoqda.

Daniele De Rossi, Jenoa klubi, Inter jamoasi, A Seriya, Turnir jadvali