PSJ qiyin o‘yinda «Mes»ni yengib, peshqadamga aylandi (video)

PSJ Liga 1ning 16-turida safarda "Mes" jamoasini 3:2 hisobida mag‘lub etdi. Parijliklar o‘yinni ishonchli boshlashgan bo‘lsa-da, yakunda qiyin vaziyatga tushib qolishdi.

O‘yinning 31-daqiqasida Gonsalu Ramush bosh bilan aniq zarba yo‘llab, hisobni ochdi. Oradan ko‘p o‘tmay, 39-daqiqada Njangtu jarima maydonchasi ichida to‘pni darvozaga yo‘llab, hisobni 2:0 ko‘rinishiga keltirdi.

Shu bilan birga, "Mes" jamoasi darhol javob berdi. Chap qanotdan Chiatayshvili hujumni boshlab berdi, uning uzatmasini Deming darvozaga aniq yo‘llab, hisobni qisqartirdi.

Ikkinchi bo‘limda maydon egalari hujumlarni kuchaytirishdi, ammo PSJ o‘yin nazoratini saqlab qoldi. 65-daqiqada Due qarshi hujumda birga bir vaziyatda darvozabonni dog‘da qoldirib, hisobni 3:1 ko‘rinishiga keltirdi.

Shunda o‘yin taqdiri hal bo‘lgandek tuyuldi. Ammo "Mes" yana qarshilik ko‘rsatdi.

Noqulay zarbadan keyin darvozabon Safonov jamoasini qutqarib qoldi, lekin 82-daqiqada Chiatayshvili uzoq masofadan zarba yo‘llab, hisobni 3:2 ko‘rinishiga keltirishga muvaffaq bo‘ldi. Shunga qaramay, PSJ o‘yinni o‘z foydasiga yakunlashga muvaffaq bo‘ldi.

Mes – PSJ 2:3

Gollar: Demenge 42, Sitaishvili 80 – Ramush 31, Njantu 39, Due 63.

Mes — Fisher, Kolen, Gbamen, Sane, Ballo-Ture, Traore (Ture, 85), Demenge, Gote En, Sitaishvili, Mbaye (Sabali, 85), Asoro.

PSJ — Safonov, Zabarniy, Pacho, Ernandes, Zair-Emeri, Vitinya, Fabian Ruis (Due, 46), Njantu (Xvicha, 66), Mbaye (Beraldo, 90+1), Li Kan In, Ramush (Barkolya, 66).