“Liverpul” sardori Virgil van Deyk jamoasining o'z maydonida “Nottingem Forest”ga 0:3 hisobida mag'lub bo'lganidan keyin fikrlarini bildirdi. "Biz juda oson gollar o'tkazib yubormoqdamiz.
Raqib yana standart vaziyatdan gol urdi. Alissonni bezovta qilishganmi yoki yo'q, bu masala muhokama qilinishi mumkin.
Ammo gol hisobga olindi va biz 0:1 hisobida ortda qoldik. Yakkakurashlarda, kurashish va agressiyada yetarlicha kuchli emas edik, juda ko'p shoshildik.
Juda og'ir vaziyat. Gol o'tkazib yuborganimizdan keyin asabiylashish boshlandi, o'yinimizda shoshqaloqlik paydo bo'ldi.
Bu murakkab davr. Bu holatni faqat gaplar bilan emas, balki ko'p mehnat qilish orqali tuzatishimiz lozim.
Bu jiddiy muammo. Har bir o'yinchi mas'uliyatni o'z zimmasiga olishi kerak, chunki futbol jamoaviy o'yin.
Biz bu mag'lubiyatni qabul qilib, undan saboq olishimiz lozim. Yana ko'proq mehnat qilishimiz kerak.
Hamma xafa bo'lgan, bu esa tabiiy holat. Chunki “Nottingem Forest”dan o'z uyimizda mag'lubiyatga uchrash – juda yomon natija.
Bu haqida ayta oladigan eng yumshoq gapim shu", – dedi van Deyk o'yindan keyingi intervyusida. Hozirda “Liverpul” Angliya premyer-ligasining turnir jadvalida 11-o'rinni egallab turibdi.
Liverpul Jamoasi, Virgil Van, Nottingem Forest, Premyer Liga, Turnir Jadvali
Ctrl
Enter
Xato topdIngizmi?
Iborani ajratib Ctrl+Enter tugmasini bosing
