Xorvatiya milliy terma jamoasi bosh murabbiyi Zlatko Dalich Farer orollari bilan bo'ladigan Jahon chempionati saralash o'yini haqida fikr bildirdi. Uchrashuv 14-noyabr kuni kech soat 22:45 da boshlanadi (Moskva vaqti bilan).
"Biz doimo raqibga hurmat bilan yondashishga odatlanganmiz va Farer orollari bundan mustasno emas, ayniqsa, ularning Chexiya va Chernogoriyani magʻlubiyatga uchratgan tarixiy natijalaridan soʻng. Bizga o'z uyimizda ham muammo tug'dirishgan, shuning uchun ularni yengil raqib deb hisoblamaymiz.
Bizning maqsadimiz – Jahon chempionatidagi ishtirokni ta'minlash va saralash tariximizda eng yaxshi natijaga erishishdir. O'yin qiyin bo'ladi, ammo g'alabaga intilamiz", dedi Dalich Xorvatiya Futbol Federatsiyasining rasmiy saytiga bergan intervyusida.
Farer orollari pley-off bosqichiga chiqish imkoniyatlarini saqlab qolmoqda. Xorvatiyada 6 o'yinda 16 ochko, Chexiyada 7 o'yinda 13 ochko, Farer orollarida esa aynan shu sonli o'yinlarda 12 ochko bor.
Xorvatiya Jamoasi, Jahon Chempionati, Farer Orollari, Zlatko Dalich, Futbol Federatsiyasi
