Levandovski agenti Fenerbaxche bilan muzokara qildi

Barselona hujumchisi Robert Levandovskining agenti futbolchining Fenerbaxchega o'tishi bo'yicha klub vakillari bilan uchrashuv o'tkazdi. Bu haqda Haberler portali xabar berdi.

Manbaga ko'ra, "sariq-ko'klar" rahbariyati hozirda futbolchidan javob kutmoqda. Agar polshalik hujumchi Turkiyada faoliyatini davom ettirishga rozi bo'lsa, Fenerbaxche mavsum tugashini kutmasdan rasmiy taklif kiritishi mumkin.

37 yoshli Levandovskining amaldagi shartnomasi yozda yakunlanadi. U Polsha va Niderlandiya o'rtasidagi JCh saralash uchrashuvi oldidan o'tkazilgan matbuot anjumanida o'z kelajagi haqida aniq javob bermadi.

Joriy mavsumda Levandovski klub darajasida 11 ta o'yinda 7 ta gol urishga muvaffaq bo'ldi.
Robert Levandovski