Tottenxem Rodrigo uchun 80 mln yevro toʻlashga tayyor

Madridning "Real" klubi hujumchisi, braziliyalik Rodrigo Angliya Premer-ligasiga yoʻl olishi mumkin. Fichajes nashri xabariga koʻra, Londonning "Tottenxem" klubi 24 yoshli futbolchini oʻz safiga qoʻshib olishga qiziqish bildirmoqda.

Klub unga nisbatan "Real" tomonidan belgilangan 80 million yevro miqdoridagi transfer narxini toʻlashga tayyor. Xabi Alonsoning "Real" bosh murabbiyi lavozimiga kelganidan soʻng Rodrigo asosan zaxira oʻyinchisi sifatida maydonga tushmoqda.

Aytishlaricha, braziliyalik futbolchi jahon chempionati oldidan oʻyin amaliyotini koʻpaytirish maqsadida klubini oʻzgartirishga qarshi emas. Joriy mavsumda Rodrigo barcha musobaqalarda 13 ta oʻyinda qatnashib, 2 ta golli uzatma amalga oshirgan.

Real Madrid