Toshkent viloyatida 2,4 mingdan ortiq aholi gazsiz qoldi

Energetika vazirligi matbuot xizmati rasmiy ma'lumot berdi. Toshkent viloyati Parkent tumanida yo'l-transport hodisasi sodir bo'lgan.

"MAN" yuk mashinasi va "Matiz" avtomobili to'qnashgan. To'qnashuv natijasida yuk mashinasi yo'ldan chiqib, yuqori bosimli gaz quvuriga urilgan.

Bu gaz sizib chiqishiga olib kelgan. Hodisa oqibatida "Yoshlik", "Markaziy", "Guliston" va "Oqtepa" mahallalarida jami 2 415 nafar iste'molchi gazsiz qoldi.

Shuningdek, 56 ta yirik iste'molchi ham gazdan uzildi. Hozirda ta'mirlash va tiklash ishlari olib borilmoqda.

Ta'mirlash ishlari yakunlangach, tabiiy gaz yetkazib berish qayta tiklanadi.
“Zamin”ni Telegramʻda oʻqing!