Farg'onada qo'shni ayolga tajovuz qilgan erkak jazolandi

Joriy yilning avgust oyida Farg'ona viloyati, Toshloq tumanida yashovchi 47 yoshli erkak qo'shnisiga nisbatan odobsiz xatti-harakatlar sodir etdi. Bu haqda UPL muxbiri xabar bermoqda.

Ma'lumotlarga ko'ra, 8-avgust kuni u turmush qurgan bo'lishiga qaramay, qo'shnisiga o'z jinsiy a'zosini ko'rsatgan va uning bu harakatdan keyin unga qiziqish bildirishi haqida fikr bildirgan. Biroq, ayol bu taklifni rad etgan.

Erkak 27-avgust kuni yana qo'shnisini bezovta qilgan va ayol uni haqoratli so'z bilan atagach, erkak bundan xafa bo'lgan. Natijada, ayol erkakning xatti-harakatlari haqida huquqni muhofaza qilish organlariga arz qildi.

Erkak esa o'z navbatida ayolni haqorat qilgani uchun shikoyat qildi. Jabrlanuvchining turmush o'rtog'i bir necha bor qo'shnisi bilan gaplashib, uning noto'g'ri xatti-harakatlarini tushuntirishga harakat qilgan, biroq bu sa'y-harakatlar natija bermagan.

Sud jarayonida erkak qisman aybini tan oldi. Sud uni jarima va 5 sutkalik ma'muriy hibs bilan jazoladi.

Ayol esa haqorat uchun jazolanmadi, faqat qonun buzilishi oqibatlari haqida ogohlantirildi.
Farg'ona Viloyati