Qarshidagi kafeda tongda yong‘in kelib chiqdi

Qashqadaryo viloyatining Qarshi shahrida joylashgan kafeda yong‘in sodir bo‘ldi, deb xabar berdi viloyat Favqulodda vaziyatlar boshqarmasi.

Ma’lumotlarga ko‘ra, hodisa 9 noyabr kuni soat 08:02 da “Cho‘lquvar” mahallasi Islom Karimov ko‘chasida joylashgan ishlab chiqarish sexi hududidagi kafeda yuz bergan. Holat haqidagi xabar tushgach, 5 ta yong‘in-qutqaruv ekipaji va 2 ta maxsus texnika soat 08:06 da joyga yetib borgan.

Hozirgi vaqtda yong‘inni bartaraf etish ishlari amalga oshirilgan, rasmiy ma’lumotlarga ko‘ra, hodisa oqibatida hech kim jarohat olmagan.

Mutaxassislar yong‘in kelib chiqish sabablarini aniqlash bo‘yicha tekshiruv boshlagan.